Малады Фронт патрабуе вызваленьня Ігара Чапігі й абвяшчае кампанію ў ягоную абарону.

Аб гэтым гаворыцца ў адмысловай заяве моладзевага руху:

Арышт актывіста Правага Альянсу Ігара Чапігі выклікае абурэньне і сьведчыць аб жаданьні Лукашэнкі сьпіхнуць на актывістаў дэмакратычнага руху віну за разборкі беларускага рэжыму з Расейскай Фэдэрацыяй.Відавочна, што інцыдэнт ля расейскае амбасады, які адбыўся ўвечары 30 жніўня, ня мог быць па-за полем зроку шматлікіх сілавых структураў Беларусі надзеленых правам сачыць за кожным грамадзянінам нашае краіны.

Падпал амбасады РФ і эскаляцыя канфлікту паміж Беларусьсю й Расеяй выгодна толькі рэжыму Лукашэнкі. Віну за інцыдэнт ля расейскае амбасады мы ўскладаем непасрэдна на дыктатара Лукашэнку ды ягонае злачыннае атачэньне. Малады Фронт патрабуе вызваленьня Ігара Чапігі! Таксама Малады Фронт распачынае кампанію салідарнасьці дзеля вызваленьня нашага паплечніка, актывіста Правага Альянсу Ігара Чапігі!

За нашу й вашу свабоду!